شيكاري پلە و پێگەي ديواني نالي وەكوو ئوستوورەدەق لە چاند و ئەدەبياتي كورديدا

ئوستوورە دەق (Mytho-Text) بە دەق يان دەق‌گەلێك دەڵێن كە لە ئاستي چاندي نەتەوەيەكدا دەورێكي سەرەكي و پێكهاتەيي دەبينن. ئەم تاقمە دەقانە، وەكوو ئوستوورە و سەرنموونە دەنوێنەوە و بە وتەي هەيديگەر جيهانێكي نوێ بنيات ئەنێن كە پەردە لە حيجابي بوون و ڕاستي لائەدەن. كراوەيي و هەڵكراوەيي ئەم دەقانە ئەبێتە هۆي درێژەداربووني چاند و بەرگري لە هەڵوەشاندنەوەي. ئەم دەقانە بە سەرنج‌دانەوە بە پێوەندييەكاني نێوان‌دەقي (intertextuality) لە ڕێگەي كارتێكردن بە سەر دەقەكاني پاش خۆيانەوە، فرە ئەكەن و وەكوو ئوستوورەيەك هەميشە لەم كاريگەري و كارتێكەرييەوە وەكوو ڕێگەچرايەك بۆ مەيداني چاند ئەمێننەوە. ئەم وتارە دەيەوێ كە لە ڕێگەي باڵادەقييەتي(transtextuality) ژێرار ژۆنێت، بيردارێژي فەڕەنسي‌يه‌وه‌، بە ديواني نالي وەكوو ئوستوورەدەقێكدا بچێتەوە.