مانا و ڕەمزي شاخ لە شيعري شێركۆ بێكەسدا

شاخ بۆ كورد شوناس و پارێزەري شوناسەكەي بووە، ئەمەش هۆكاري دەوڵەمەنديي فەرهەنگي شاخي لە زمان و ئەدەبياتدا پێك‌هێناوە كە زياتر لە ٢٠٠ وشەي بۆ شاخ هەيە. شێركۆ بێكەس شاعيري هاوچەرخي كورد كە ئەزمووني شيعري شاخي هەيە، لە ساڵي ١٩٨٥ تا كۆتايي ١٩٨٦ لە شاخ بووە و دژي ڕژێمي بەعس شيعري نووسيوە. لە شيعرەكانيدا فەرهەنگێكي هونەري ڕەمزي جياواز لە فەرهەنگي گشتي شاخ بونياد ناوە. ڕەمزي شاخي لە زۆر ڕەهەند و پنتي جياوازدا بە شێوەي هونەريي و هەندێ جاريش وەك دروشم بەكار هێناوە؛ لايەنە هونەرييەكەي جوانييەكي بەرز و دروشم‌بازييەكەش هونەرێكي نزمي لێكەوتووەتەوە. ڕەمزيش كە هونەرێكي نوێي شيعرە ئاوێزاني لێڵي و تەم‌ومژاوييە، لە شيعريشدا پانتاييەكي هونەرييە بۆ وەستانەوە بە ڕووي نادادي كۆمەڵايەتي، سياسي و ديكتاتۆريەتدا. وێڕاي ئەمانە شاعير لە ڕێگەي ڕەمزي شاخەوە سيستمێكي فراواني مانايي بە ڕەهەندە جياوازەكاني وەك: ئازادي، هەژاري، جەستە و دەروون، خەبات، شار و پيرۆزي بەخشيوە كە ئەمانەش لە مانا و ڕەمزي شاخ لە فەرهەنگي گشتيدا جياوازن. زاڵي ڕەگەزي گێڕانەوە لە شيعري شێركۆ، بووەتە هۆي گێڕانەوەي مێژوو بە شيعر؛ ئەمەش لاوازي شيعرييەت و گوتاري لە شاخدا مانەوە و پيرۆزي شاخي بەرهەم‌هێناوە.