چكيده فارسي :
Virtual həyat müxtəlif eniş və yoxuşlara malikdir. Diqqət edək ki, virtual “HƏYAT” deyirik. Yəni, bu özü bir aləm və dünyadır. Kimliyini dəqiq bilmdiyimiz insanların bizimlə irtibat qurduğu bir həyat… Ən asan və yaxın ünsiyyət forması.
İnsan kamil, düşünən, ünsiyyət qurmağı bacaran Alim və Qadir Yaradanın yaratdığı ali varlıqdır. Ünsiyyət vasitəsilə insanlar fikirlərini bir-birinə çatdırır, ehtiyaclarını dilə gətirir, özünü ifadə edir, ən əsası da həyatındakı müxtəlif sahələrə təsir göstərir.
Ünsiyyətin təsir mexanizmindən söz düşmüşkən, günümüzdə milyonlarla insanın ünsiyyət vasitəsinə çevrilən sosial şəbəkələrdən danışmaq daha məqsədəuyğun olardı. Bu ünsiyyət forması bir elmi – təbliği vasitədir. Maariflədirici, eyni halda azdırıcı da rol oynaya bilər.
Olduqca xeyirli və faydalı məlumatlarla yanaşı, təhlükəli və çaşdırıcı da ola bilər. Buna görə də, bu sahədə diqqətli olmalıyıq. Bu qısa məqalədə, virtual aləmin zərər və faydalarına toxunacayıq.
