نوێ‌كردنەوەي پێناسەي زمان، لە گۆشەنيگاي ئاستەكانييەوە دەربڕاوي زماني كوردي بە نموونە

ئەم توێژينەوەيە ناونيشاني «نوێ‌كردنەوەي پێناسەي زمان، لە گۆشەنيگاي ئاستەكانييەوە دەربڕاوي زماني كوردي بە نمونە » بۆ دانراوە. ئاشكرايە كە زمان جۆري زۆرە، وەك (زماني ئاماژە، زماني غەريزە ...هتد). ئەم بابەتانە ناكەونە چوارچێوەي توێژينەوەكەوە، بەڵكو دەربڕاوي زماني گۆكراو و بيستراو، نووسراو و خوێندراو، كەرەستەي توێژنەوەكەن، بۆ ئەوەي ڕوونتر بە ئامانجي نوێتر بگەين. توێژينەوەكە لە دوو بەش پێك‌هاتووە. يەكەم بەش بۆ باس‌كردني تيۆري ئاستەكاني زمان و ڕێبازي ناوەكان تەرخان كراوە و هاوكات كۆباسێكي پوخت و زانستي، لە سەر چەمكي زمان و ئاخاوتن لە گۆشەنيگاي ئاستەكاني زمان و بيروڕاي زاناياني كۆن و نوێ بە وردي كراوە. بەشي دووەم بەشێكي كارەكييە و تيۆري ئاستەكاني زمان، بە پێي دەربڕاوي زماني كوردي شي‌كردنەوەي زانستي بۆ كراوە و لە گۆشەنيگاي زانستي و ئاييني دووبارە پێناسەكردن و ناساندني زمان بەپوختي خراوەتە ڕوو و بە شێوەيەك لە ڕێگەي ئەم پێناسەيەوە، تێگەيشتنێكي زۆر ورد و گشتگيرتر بۆ پێناسەكردني زمان خراوەتە ڕوو، بە شێوەيەك بۆ هەموو زمانەكان پڕاوپڕە و دەگونجێت. لە كۆتاييشدا ئەنجام و پوختەي توێژينەوەكە خراوەتە ڕوو، يەكێك له‌ گرنگترين ئەنجامەكاني توێژينەوەكەش بريتييە لە ئەوەي كە: زمان بريتييە لە ناو، ناوەكانيش جياكەرەوەي زمانەكانن و خودي زمانەكانيش پێك‌دەهێنن. واتە زمان ناوە، يان دووبارە ناو دەنێتەوە.