كێشه‌ي مۆڕفيم و پۆلێن‌كردني (توێژينه‌وه‌يه‌كي وشه‌سازييه‌)

دۆزينه‌وه‌ي مۆڕفيم له‌لايه‌ن زاناي ئه‌مريكي بلۆمفيڵد جووڵه‌يه‌كي نوێي خسته‌ توێژينه‌وه‌ وشه‌سازييه‌كان و بووه‌ هۆي سه‌رهه‌ڵداني لقي تازه‌ي مۆڕفۆلۆژي و فه‌رامۆش‌كردني لقه‌كاني ئيتيمۆلۆژي و لێكسيكۆلۆژي. له‌ لايه‌كي تريش ئه‌و هيوايه‌ي خسته‌ دڵي زمانه‌وانان كه‌ يه‌كه‌يه‌كي پێوان بۆ واتا دۆزرايه‌وه‌ و كێشه‌ و گرفته‌كاني وشه‌ي چاره‌سه‌ر كرد. كه‌چي گه‌ر به‌ وردي سه‌رنجي بيردۆزه‌ي مۆڕفيم و پێناسه‌ و پێكهاته‌ و پۆلێن‌كردنه‌كاني مۆڕفيم بده‌ين، كه‌م‌وكووڕي زۆرمان ده‌كه‌وێته‌ به‌رچاو و به‌ پشت‌به‌ستن به‌ ڕێزماني لاسايي‌كه‌ره‌وه‌ (Traditional Grammar) زمانه‌واناني دوچاري چه‌ندين هه‌ڵه‌ كردووه‌ و پتر بايه‌خ به‌ لايه‌ني ڕوخسار و كه‌ره‌سه‌ ده‌نگييه‌كاني مۆڕفيم دراوه‌ و لايه‌ني ناوه‌رۆك و واتاكه‌ي فه‌رامۆش كراوه‌. ئه‌م توێژينه‌وه‌ باس له‌ چۆنيه‌تي سه‌رهه‌ڵداني بيردۆزه‌ي مۆڕفيم ده‌كا و ئه‌و هه‌وڵانه‌ي كراون له‌ پۆلێن‌كردني جۆره‌كاني و ڕاست‌كردنه‌وه‌يان، له‌گه‌ڵ ئه‌و گرفت و كێشانه‌ي له‌ پێكهاته‌ي مۆڕفيمدا هه‌ن و دواتريش به‌راوردكردن و جياكردنه‌وه‌ي مۆڕفيم و وشه‌ و ئامراز.