بەراوردكرنا ھەلبەستا شێخێ سەنعان يا فەريدوددين ئەتتار ويا فەقييێ تەيران

چيرۆكا شێخێ سەنعان ل سەر ئەشقێيە. شێخێ كالێ باوەرمەند، يێ ب نياز و تەئەت، ژ بەر ئەشقێ دين و ديوانە بوويە، ژ وەلات و باوەرييا خوە قەتييايە. چيرۆكا شێخ چيرۆكەكە بالكێشە و ژ بەر ڤێ ژي ل رۆژھلاتا ناڤين بەربەلاڤە. ڤان ھەردو موتەسەوف و ھەلبەستڤان چيرۆكا گەلێري شێخێ سەنعان ئانينە د ناڤ ھەلبەستا خوەدا رستنە، درووڤەكي نوو دانە چيرۆكێ و رامانا وەھدەتول‌وجوودێ لێ بار كرنە. چارچۆڤەيا چيرۆكێ د ھەردو بەرھەمان دا ژي ھەمانە، لێ رستنا وان جودانە. چيرۆكا شێخێ سەنعان كەتيە د ناڤ مەتنێن بەرھەمێن ئەدەبيياتێن نەتەوەيێن جودا. ژ بەر ڤێ چيرۆك خوەدييێ تايبەتييا نەڤمەتنە. ب ھەمان ئاوايي چيرۆك د ئەدەبيياتا كوردي و فارسيدا ژي كەتيە د ناڤ مەتنان، ژ ئالييێ فەريدوددين ئەتتار و فەقييێ تەيران ڤا ژ نوو ڤا ھاتيە رستن. ئەڤ رەوش دەرفەتا بەرەورديێ دا مە. مە د ڤێ خەباتا خوەدا بەرەورديەك د ناڤبەرا ھەلبەستا شێخێ سەنعانيا فەريدوددين ئەتتار ويا فەقييێ تەيران‌دا كر. مە د ھەردو ھەلبەستاندا ھەڤپارييان و جوداتييان تەسپيت كر، پشترا ئەنجاما كو ئەم گھيشتينێ مە پێشكەش كر.