ئەنفال و كاردانەوەي لە هونەردا (گـۆرانـي و سـيـنـەمـاي كـوردي وەك نـمـوونـە)

لەم توێژينەوەيەدا دەمانەوێت بزانين ئاخۆ كاردانەوەي تراژيدياي ئەنفال لەو دوو بەشەي هونەردا، بەتايبەت لە هونەري كورديي باشووري كوردستاندا چۆن بووە و بە چ ئاست و شێوازێك گوزارشتي لێ‌كراوە، چۆن لە مۆسيقادا ڕەنگي داوەتەوە و چ گۆرانييەكي بۆ داڕێژراوە، لە فيلم و سينەماشدا تراژيدياي ئەنفال چۆن بووەتە كەرەستەي بەرهەم. بۆ ئەم مەبەستەش بە كورتي و بە گشتي و پاڵپشت بە چەند نموونەيەك لەو بەشانەي هونەر، ئەم توێژينەوەيە بۆ دوو بەش پۆلێن كراوە، هەر بەشەي بۆ يەك لەم بوارە هونەرييانە (گۆراني و مۆسيقا- سينەما) تەرخان كراوە. لە بەشي يەكەمدا (گۆراني و مۆسيقا) ئاستي گۆراني مۆسيقاي كوردي و تواناييەكاني ئەم هونەرە بۆ گوزارشت‌كردن لە ئەنفالمان كردووەتە بابەتي توێژينەوە، لە بەشي دوەميشدا (سينەما)، وێڕاي بە كورتي ئاماژە كردن بۆ دۆخي سينەماي كوردي، لێكدانەوەمان بۆ چەند كارێكي سينەمايي تايبەت بە ئەنفال كردووە، دواتر ئەنجامي توێژينەوەكە و ليستي سەرچاوەكان و پوختەي لێكۆڵينەوەكە بە هەرسێ زماني كوردي و فارسي و ئينگليزي خراونەتە ڕوو.