بەراوردەك د نا‌ڤبه‌را هه‌فت په‌يكه‌را نزاميێ گه‌نجه‌وي و بەهرام و گوله‌نداما كوردي

سه‌رپێهاتيێن سلتانێن ئيرانا قه‌ديم د ناڤ چاندا رۆژهلاتێ ده‌ به‌لاڤ بوونه‌ كو ئه‌و هن جاران وه‌ك نڤيسكي، هن جاران ژي ل سه‌ر زارێ دا‌ستانبێژان ڤه‌ هاتنه‌ نه‌قل‌كرن. يه‌ك ژ وان چيرۆكان ژي سه‌رپێهاتيێن هوكومدارێ ساسانيان به‌هرامێ گور كو ئه‌و دگه‌ل فۆرمێن جودا د ناڤ مله‌تێن ئيراني و ده‌ردۆرا وێ چاندێ ده‌ به‌لاڤ بوونه‌. چيرۆكێن به‌هرامێ گور ژ ئاليێ نزاميێ گه‌نجه‌وي ڤه‌ ب ناڤێ هه‌فت په‌يكه‌ر هاتيه‌ نڤيسين. لێ د زمانێ كوردي ده‌ ڤێ سه‌رپێهاتيێ ب ئاوايێ دەڤكي و ب فۆرمێن جودا خوه‌ هه‌تا ئيرۆ ئينايه‌. د ڤێ گوتارێ ده‌ ئه‌م ژي دێ موقايه‌سه‌يا هه‌فت په‌يكه‌را نزاميێ گەنجەوي دگه‌ل چيرۆكا بەهرام و گوله‌نداما كوردي بكن. د ناڤا ڤان هه‌ردو مه‌تنان ده‌ مۆتيڤێن جودا، هێزا چاندا ده‌ڤكي و گوهه‌رينا بنگه‌ها چيرۆكێ ژ ئاليێ ڤه‌گۆتنێ ڤه‌ دێ بێنه‌ به‌راوه‌ردكرن. هه‌ر وسا ته‌سيرا ترانسفه‌را د ناڤبه‌را چاندا نڤيسكي يا ده‌ڤكي ده‌ ته‌سيرێن ل سه‌ر بنگه‌ها چيرۆكێ ژي دێ بێنه‌ گوفت وگۆكرن.